Featured देश / राष्ट्रिय मुख्य समाचार समाचार स्वास्थ्य

स्वास्थ्यकर्मीमाथि आक्रमण गर्नेलाई दुई लाख जरिवानासहित ४ वर्ष जेल सजाय

काठमाडौं, १९ जेठ । अब स्वास्थ्यकर्मीमाथि आक्रमण गरिए कडाभन्दा कडा कारवाहीसहित जरिवाना तिराइने भएको छ ।

सरकारले ल्याउन लागेको स्वास्थ्यसम्बन्धी अध्यादेशमा स्वास्थ्यकर्मीमाथि आक्रमण गरिएको खण्डमा २ लाख जरिवाना र ४ वर्षसम्म कैद सजाय हुने व्यवस्था गरिएको छ ।

स्वास्थ्य तथा जनसंख्या मन्त्रालयले ल्याउन लागेको स्वास्थ्यकर्मी तथा स्वास्थ्य संस्थाको सुरक्षासम्बन्धी ऐन २०६६ को संशोधन अध्यादेशमा उक्त व्यवस्था लागू गर्न लागिएको हो ।
अध्यादेशमा स्वास्थ्यकर्मी तथा स्वास्थ्य संस्थामा कार्यरत कर्मचारीलाई घेराउ गर्ने, हातपात गर्ने वा शारीरिक रुपमा आघत पुर्‍याउनेलाई दुई लाख जरिवाना वा चार वर्ष कैद वा दुवै सजाय हुने प्रस्ताव गरिएको छ ।

त्यस्तै, स्वास्थ्य संस्थामा तालाबन्दी, तोडफोड, आगजनी वा घेराउ गर्नेलाई पनि यही सजाय गरिने भनिएको छ ।

अहिले प्रचलनमा रहेको ऐनमा स्वास्थ्यकर्मीमाथि हातपात, स्वास्थ्य संस्था तालाबन्दी तथा तोडफोड जस्ता कार्य गर्न नहुने उल्लेख छ ।

About the author

Gautam Jirel

Gautam Jirel is editor of chyordong.com

Add Comment

Click here to post a comment